Senat «Qazaqstan Respýblikasy men Resei Federatsiiasy arasyndaǵy áskeri yntymaqtastyq týraly shartty ratifikatsiialaý týraly» Zańyn qabyldady, dep habarlaidy QazAqparat.
«Qazaqstan Respýblikasy men Resei Federatsiiasy 2020 jyldyń 16 qazanynda Nur-Sultan qalasynda áskeri yntymaqtastyq týraly shartqa qol qoiǵan.
Biz búgin osy shartty ratifikatsiialaý týraly zań jobasyn qarap otyrmyz. Jalpy Qazaqstan Respýblikasy men Resei Federatsiiasy arasyndaǵy dostyq, yntymaqtastyq jáne ózara kómek týraly osy tektes shartqa 1992 jyldyń 25 mamyrynda qol qoiylǵan.
Keiin 2013 jylǵy 11 qarashada jańadan shart qabyldandy.
Sondyqtan búgingi zań – biz úshin tosyn jańalyq emes, burynǵy kelisimderdiń zańdy jalǵasy», - dedi Senat depýtaty Muhtar Qul-Muhamed.
Onyń sózine qaraǵanda, atalǵan zańda birneshe birlesken áreketter algoritmi qarastyrylǵan. Olar:
- áskerdi qoldanýdy birlesip josparlaý;
- tóngen qaýipke qarsy birlesip áreket etý;
- áskeri jáne jedel daiarlyqty birlesip josparlaý;
- áskeri bilim men ǵylymdy ortaqtasa igerý;
- bitimgerlik kúshterdiń quramynda birlese áreket etý;
- mádeniet pen aqparat salasyndaǵy yntymaqtastyqty birlese atqarý máseleleri.
«Zań jobasy Senattyń barlyq komitetterinde qaralyp, oń qorytyndylar kelip tústi. Bul – elimizdiń qorǵanystyq qabiletine qyzmet etetin zań», - dedi senator.
