Senat depýtattary referendým týraly zań jobasyna túzetýler engizip, Májiliske qaitardy, - dep habarlaidy Tengrinews.kz.
"Komitet atynan salystyrmaly kesteni qaraýdy jáne Qazaqstan Respýblikasy Konstitýtsiiasynyń 61-baby 5-1-tarmaǵyna sáikes Senatqa "Respýblikalyq referendým týraly" Qazaqstan Respýblikasynyń Konstitýtsiialyq zańyna ózgerister men tolyqtyrýlar engizý týraly" Qazaqstan Respýblikasy Konstitýtsiialyq zańynyń jobasyna ózgeristerdi Parlament Májilisine jiberýdi usynamyn", - dedi Senat depýtaty Andrei Lýkin.
Qujattyń aldyńǵy nusqasyna sáikes, Tuńǵysh Prezident mártebesine bailanysty máseleler respýblikalyq referendým nysanasy bola almaidy.
Senatorlardyń usynysy - bul normany zań jobasynan alyp tastaý. Áńgime qoldanystaǵy Zańnyń 3-baby 2-tarmaǵy týraly bolyp otyr.
"Respýblikalyq referendým týraly" Konstitýtsiialyq zań 1995 jyly qabyldandy. Osy kezeńde zańnamalyq aktiler mazmunyn jaqsartýǵa baǵyttalǵan birqatar ózgeris boldy. Alaida Konstitýtsiialyq zańnyń keibir normalary eskirgendikten, erejeler "Quqyqtyq aktiler týraly" zańnyń 24-baby 3-tarmaǵyna sáikes naqty jáne ártúrli túsindirýge jatpaityn maǵynany qamtýǵa tiis. Zań jobasy respýblikalyq referendýmnyń qorytyndylaryn shyǵarý kezinde biýlletenderdi jaramsyz dep taný qaǵidalary boiynsha ózgeristerdi kózdeidi. Sonymen qatar, referendýmǵa qatysý quqyǵyn iske asyrý kezinde azamattyń daýys berý rásimi naqtylanady. Bul rette, zań jobasyn talqylaý barysynda Májilis maquldaǵan zań jobasyna tolyqtyrý engizý qajettigi týyndady. Túzetý "Respýblikalyq referendým týraly" Konstitýtsiialyq zańnyń 3-babyna engiziledi", - dedi Andrei Lýkin.
Endi bul zań jobasyn Májilis depýtattary qaita qarap, kelisken jaǵdaida qujat odan ári Memleket basshysynyń qol qoiýyna jiberiledi.
