Foto: Freepik
Senat depýtattary jalpy otyrysta "Qoǵamdyq baqylaý týraly" zań jobasyn eki oqylymda maquldady, onda endi 50 myńnan asa daýys jinaǵan azamattyq ótinishter Úkimet deńgeiinde qaralatyn bolady, - dep habarlaidy Tengrinews.kz saity.
"Basqarý nysanyn ózgertý, eldiń ákimshilik-aýmaqtyq qurylymy men shekaralary, sot tóreligi, raqymshylyq, Ulttyq qaýipsizdik siiaqty máseleler boiynsha ótinishter berilmeidi. "Tyiym salynǵan" taqyryptardyń tizbesi konstitýtsiialyq jáne qylmystyq quqyq, referendým týraly zań negizinde qalyptastyrylady", - dedi baiandamany oqyǵan senator Rýslan Rústemov.
Sonymen qatar ol ótinishti mindetti túrde qaraý úshin daýys berý shegi belgilenetinin aitty:
- 50 myń adam turatyn aýdan deńgeiinde – 2,5 myń daýys, basqa jaǵdaida – halyqtyń 5 paiyzynan kem emes;
- halyq sany 50 myńnan asatyn máslihattardyń quzyretine jatatyn máseleler boiynsha aýdandyq deńgeide 5 myń daýys, qalǵan jaǵdaida – halyqtyń keminde 10 paiyzy;
- oblystyq deńgei (ákimdikter quzyretine jatatyn máseleler boiynsha) - tiisti ákimshilik-aýmaqtyq birlik turǵyndarynyń 1 paiyzy daýys berý quqyǵyna ie bolýy kerek;
- oblystyq deńgei (máslihattardyń quzyretine jatatyn máseleler boiynsha) – tiisti ákimshilik-aýmaqtyq birlik halqynyń keminde 2 paiyzy;
- respýblikalyq deńgeide (úkimet quzyretine jatatyn máseleler boiynsha) – keminde 50 myń daýys.
