QR Úkimeti men Parlament Senatynyń ǵimaratyna kirýge ýaqytsha shekteý engizildi, dep habarlaidy "Ult aqparat".
«Qazaqstan Respýblikasynyń Prezidenti Q.Toqaevtyń «Qazaqstan Respýblikasynda tótenshe jaǵdai engizý týraly» Jarlyǵymen eldiń barlyq aýmaǵynda koronavirýstyń taralýyna qarsy is-qimyl jáne azamattardyń densaýlyǵy qaýipsizdigin qamtamasyz etý jónindegi aldyn alý sharalary kúsheitilip otyr. Osyǵan bailanysty osy jyldyń 16 naýryzy men 15 sáýiri aralyǵynda Qazaqstan Respýblikasy Parlamenti Senatynyń ǵimaratynda otyrystarǵa kelýshiler men qatysýshylar, sondai-aq buqaralyq aqparat quraldarynyń ókilderi úshin shekteý engizildi», - delingen Senattyń Telegram paraqshasynda jariialanǵan aqparatta.
Taratylǵan málimette Senatta ótetin is-sharalar palatanyń saitynda jáne resmi akkaýnttarda onlain rejimde kórsetiletini eskertilgen.
Sonymen qatar, 16 naýryz ben 15 sáýir aralyǵynda Úkimet úii ǵimaratyna kelýshiler jáne keńeske qatysýshylar, sondai-aq buqaralyq aqparat quraldarynyń ókilderi úshin shekteý engizilgeni belgili boldy.
«Úkimet otyrystary onlain rejimde PrimeMinister.kz saitynda jáne resmi akkaýnttarda taratylady. Sharalardyń transliatsiiasy týraly aldyn ala habarlap otyramyz. Qosymsha aqparat alý úshin 74-59-72 telefon nómirine habarlasýǵa bolady», - dep málim etti Úkimettiń baspasóz qyzmetinen.
