Sýret: Gov.kz
Senat depýtattary «Organikalyq ónim óndirisi jáne ainalymy týraly» zańdy maquldady.
Zańǵa palatanyń agrarlyq máseleler, tabiǵat paidalaný jáne aýyldyq aýmaqtardy
damytý komiteti qorytyndy jasaǵan.
Komitet múshesi Arman Óteǵulovtyń aitýynsha, zańda organikalyq ónim óndirisine kóshýdiń negizgi sharttary kózdelgen.
Sondai-aq zańda organikalyq ónimdi óndirýge jáne tańbalaýǵa, organikalyq ónim ainalymyna tikelei talaptar belgilenip, esepke alý jáne qadaǵalaý júiesi engizilgen.
«Zańmen organikalyq ónim óndirý protsesin sertifikattaý kózdeledi. Bul tásil óndiristik protsesterdi naqtylaidy jáne halyqaralyq tájiribege sáikes keledi. Sondai-aq, sáikestik sertifikatynyń qoldanylýyn toqtata turýdyń jáne toqtatýdyń negizi aiqyndaldy. Organikalyq ónim óndirýshiler birlesken qyzmet týraly shart negizinde (jai seriktestik) toppen sertifikattaýdan óte alady», — deidi Armen Óteǵulov.
Onyń aitýynsha, bul organikalyq óndirýshilerdiń yntymaǵy men integratsiiasyna yqpal etedi jáne belgili bir óndirýshi úshin sertifikattaýǵa ketetin shyǵyndardy azaitady.
Organikalyq ónimdi qoldan jasaýmen kúresý úshin organikalyq ónimdi tańbalaý qarastyrylǵan.
«Mundai tańbalaý sáikestik sertifikaty bolǵan jaǵdaida ǵana júzege asyrylady. Al onyń jarnamasynda tek „organikalyq“ degen sóz ben onyń týyndylary qoldanylýy múmkin. Zań organikalyq ónim óndirisi men ainalymy salasyndaǵy ǵylymi qamtamasyz etýdi reglamentteitin bappen tolyqtyryldy. Jalpy zań eldegi azyq-túlik qaýipsizdigin qamtamasyz etýge, sapaly jáne ekologiialyq taza ónimdi tutynýǵa oń áser etedi», — dedi senator.
