QR Parlamenti Senaty mobildik qosymshany iske qosty, dep habarlaidy "Ult aqparat".
«Barshaǵa Android jáne IOS tuǵyrnamalarynda Senate mobildik qosymshasynyń iske qosylǵany týraly qýana habarlaimyz. Senate mobildik qosymshasy bizben yńǵaily ári ońai qarym-qatynas ornatý úshin jasaldy. Bul Qazaqstan Respýblikasy Parlamenti Senatyndaǵy oqiǵalardy bilgisi keletin ári ýaqytty baǵalaityn jandarǵa arnalǵan mobildik qosymsha. Sondai-aq Senattyń is-sharalaryn kórýge, otyrystardyń stenogrammalaryn oqýǵa, palataǵa kelip túsken zań jobalary týraly bilýge, depýtattardyń memlekettik organdarǵa saýaldary týraly aqparat alýǵa múmkindik bar», - delingen palatanyń baspasóz qyzmeti taratqan málimette.
Senate qosymshasyn AppStore (iPhone) nemese Play market-ten (Android úshin) júkteýge bolady.
«Bul qyzmettiń odan ári jetildirile beretinin de aitqymyz keledi. Sondyqtan bul ázirge synaq retinde iske qosylyp otyr», - dep atalyp ótken habarlamada.
