- Búgin Parlament Senatynyń jalpy otyrysynda palata depýtattary «Qazaqstan Respýblikasynyń keibir zańnamalyq aktilerine ekstremizmge jáne terrorizmge qarsy is-qimyl máseleleri boiynsha ózgerister men tolyqtyrýlar engizý týraly» zań jobasy eki oqylymda qarap, maquldady, dep habarlaidy "Ult aqparat".
Zań jobasyn tanystyrý barysynda QR Ulttyq qaýipsizdik komiteti tóraǵasynyń orynbasary Marat Qalqabaevtyń atap ótýinshe, lańkestik pen ekstremistik qylmystar úshin jaýapkershilikti kúsheitetetin atap ótti.
«Usynylyp otyrǵan zań jobasy Elbasynyń osy jylǵy maýsym aiyndaǵy Qaýipsizdik Keńesinde bergen tapsyrmalardy oryndaý maqsatynda ázirlendi. Zań jobasyn daiyndaý barysynda sońǵy kezderi elimizde jáne basqa da memleketterde bolyp jatqan lańkestik qylmystardyń oryn alý sebepteri, olarǵa qarsy kúrestegi oń nátijeler eskerildi», - dedi Qalqabaev.
Budan buryn habarlanǵandai, qarastyrylyp otyrǵan zań jobasynyń negizgi maqsaty ekstremizmge jáne lańkestikke, qarý-jaraq ainalymyna qarsy is-qimyl men kóshi-qondy retteý salalarynda zańnamany jetildirý bolyp tabylady. Zań jobasy azamattardy, qoǵamdy jáne memleketti qaterden qorǵaý deńgeiin arttyrýǵa baǵyttalǵan.
Atalǵan zań jobasyn talqylaý barysynda úkimettik emes sektor, qoǵamdyq uiymdar men otandyq jáne sheteldik sarapshylardyń qatysýymen keńinen pikir almasýlar boldy.
Osyǵan bailanysty ishki migranttardy tirkeý týraly másele qyzý talqyǵa tústi. Onda qarý-jaraq ainalymyn, ony saqtaý tártibin baqylaýdy kúsheitý, onyń ishinde azamattyq, qyzmettik qarý jáne oq-dári ainalymy, sondai-aq kúzet qyzmetin júzege asyrý salasynda jumys isteitin kásipkerlik sýbektilerin memlekettik baqylaýdyń erekshe tártibin júzege asyrý eskerilgen.
Budan bólek, ekstremizm men terrorizm úshin, onyń ishinde halyqaralyq lańkestik uiymdarǵa jáne sheteldik qarýly janjaldarǵa qatysqany úshin jazaǵa tartý sharalaryn kúsheitý, lańkestikke yqpal etetin dini toptar men birlestikterdiń qyzmetine tyiym salý qamtylǵan.
Sonymen qatar terrorizmge qarsy is-qimyl týraly zańnamany saqtamaǵany úshin, sondai-aq qoldanylýy mindetti tehnikalyq quraldardyń jaramsyzdyǵy úshin kúzet qurylymdarynyń jáne lańkestik jaǵynan osal nysandar ieleriniń ákimshilik jaýapkershiligin engizý kózdelip otyr.
