Parlament Senatynyń jalpy otyrysynda «Qazaqstan Respýblikasynyń halyqaralyq sharttary týraly» Qazaqstan Respýblikasynyń Zańyna ózgerister men tolyqtyrýlar engizý týraly» Zańy qabyldandy, dep habarlaidy QazAqparat.
Qujat halyqaralyq sharttar boiynsha zańnamany odan ári jetildirý maqsatynda ázirlendi. Ony Parlament depýtattary daiarlady.
«Joba 1969 jylǵy 23 mamyrdaǵy Halyqaralyq sharttar quqyǵy týraly Vena konventsiiasyna sáikes keltirýge, sondai-aq olqylyqtar men qaishylyqtardy joiýǵa baǵyttalǵan», - dedi Qazaqstan Respýblikasy Parlamenti Májilisiniń Halyqaralyq ister, qorǵanys jáne qaýipsizdik komitetiniń tóraiymy Aigúl Quspan.
Zań jobasynda «dáiekteý» jáne «halyqaralyq shart jasasý» uǵymdarynyń anyqtamalary qaita qaraldy, «qol qoiý» men «ókilettik» uǵymdary naqtylandy.
Osy oraida qujattyń erejesi Qazaqstan Respýblikasynyń halyqaralyq sharttary salasyndaǵy quqyqtyq qatynastardy jetildirýge baǵyttalǵan.
