Senattyń jalpy otyrysynda «Qazaqstan Respýblikasynyń keibir zańnamalyq aktilerine adamdardy Qazaqstannyń sheginen tys jerge shyǵaryp jiberý kezinde ustaý merzimderin retteý máseleleri boiynsha ózgerister men tolyqtyrýlar engizý týraly» Zańy eki oqylymda qaralyp, qabyldandy, dep habarlaidy "Ult aqparat".
Zań jobasy QR Parlamentiniń depýtattary men azamattardyń, sondai-aq sheteldikterdiń jáne azamattyǵy joq adamdardyń bostandyqqa jáne jeke basyna qol suǵylmaýshylyq quqyqtaryn qorǵaý salasyndaǵy ulttyq zańnamany odan ári jetildirý maqsatynda ázirlengen.
Zań jobasy Qazaqstan Respýblikasynyń Qylmystyq-protsestik jáne Qylmystyq-atqarý kodeksterine, sondai-aq «Sheteldikterdiń quqyqtyq jaǵdaiy týraly», «Quqyq buzýshylyq profilaktikasy týraly», «Adamdardy qoǵamnan ýaqytsha oqshaýlaýdy qamtamasyz etetin arnaýly mekemelerde ustaý tártibi men sharttary týraly» jáne «Halyqtyń kóshi-qony týraly» Qazaqstan Respýblikasynyń zańdaryna túzetýler engiziledi.
Zań jobasynyń negizgi mindeti joǵaryda atalǵan zańnamalyq aktilerge naqty túzetýler engizý bolyp otyr:
- qylmystyq-protsestik kodekste shyǵaryp jiberý retindegi jazalaý túri naqtylanady, sondai-aq qylmystyq-atqarý kodeksinde sheteldikter men azamattyǵy joq adamdardy qylmystyq ister boiynsha elden tysqary májbúrlep shyǵaryp jiberý úshin júrip-turý erkindigin aldyn ala shekteýdi qoldanýdyń naqty quqyqtyq negizderi men tetikteri beriledi;
- «Sheteldikterdiń quqyqtyq jaǵdaiy týraly» QR Zańyna qylmystyq, ákimshilik ister jáne erekshe júrgiziletin ister boiynsha sot aktilerin májbúrlep oryndaý úshin shyǵaryp jiberýden jaltaratyn adamdardy ustaýdyń (sottyń sanktsiiasymen 30 táýlikke deiingi merzimge) quqyqtyq tetikteri men merzimderin jetildirýdi kózdeitin túzetý engiziledi;
- «Quqyq buzýshylyq profilaktikasy týraly» QR Zańy jańa normamen tolyqtyrylady, oǵan sáikes májbúrlep shyǵaryp jiberýge jatatyn jáne odan jaltaratyn sheteldikter men azamattyǵy joq adamdarǵa qatysty qamtamasyz etý sharasy retinde sottyń sanktsiiasymen júrip-turý erkindigin aldyn ala shekteý qoldanylady;
- «Adamdardy qoǵamnan ýaqytsha oqshaýlaýdy qamtamasyz etetin arnaýly mekemelerde ustaý tártibi men sharttary týraly» QR Zańynda júrip-turý erkindigin aldyn ala shekteý uǵymy beriledi, sondai-aq shyǵaryp jiberiletin adamdardy merzimi otyz táýlikke deiin arnaýly qabyldaý oryndaryna ornalastyrý úshin quqyqtyq negizdeme kózdelgen. Mundai shekti merzim «Halyqtyń kóshi-qony týraly» Qazaqstan Respýblikasynyń Zańynda da belgilengen.
Tutastai alǵanda zań jobasyn qabyldaý adamnyń quqyqtary men bostandyqtarynyń, qoǵam men memleket múddeleriniń qoǵamdyq qaýipti qolsuǵýshylyqtardan qorǵalýynyń sapalyq jańa deńgeiin qamtamasyz etýge múmkindik beredi jáne teris áleýmettik-ekonomikalyq jáne quqyqtyq saldarlarǵa alyp kelmeidi.
