سەناتتىڭ جالپى وتىرىسىندا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە ادامداردى قازاقستاننىڭ شەگٸنەن تىس جەرگە شىعارىپ جٸبەرۋ كەزٸندە ۇستاۋ مەرزٸمدەرٸن رەتتەۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭى ەكٸ وقىلىمدا قارالىپ, قابىلداندى, دەپ حابارلايدى "ۇلت اقپارات".
زاڭ جوباسى قر پارلامەنتٸنٸڭ دەپۋتاتتارى مەن ازاماتتاردىڭ, سونداي-اق شەتەلدٸكتەردٸڭ جەنە ازاماتتىعى جوق ادامداردىڭ بوستاندىققا جەنە جەكە باسىنا قول سۇعىلماۋشىلىق قۇقىقتارىن قورعاۋ سالاسىنداعى ۇلتتىق زاڭنامانى ودان ەرٸ جەتٸلدٸرۋ ماقساتىندا ەزٸرلەنگەن.
زاڭ جوباسى قازاقستان رەسپۋبليكاسىنىڭ قىلمىستىق-پروتسەستٸك جەنە قىلمىستىق-اتقارۋ كودەكستەرٸنە, سونداي-اق «شەتەلدٸكتەردٸڭ قۇقىقتىق جاعدايى تۋرالى», «قۇقىق بۇزۋشىلىق پروفيلاكتيكاسى تۋرالى», «ادامداردى قوعامنان ۋاقىتشا وقشاۋلاۋدى قامتاماسىز ەتەتٸن ارناۋلى مەكەمەلەردە ۇستاۋ تەرتٸبٸ مەن شارتتارى تۋرالى» جەنە «حالىقتىڭ كٶشٸ-قونى تۋرالى» قازاقستان رەسپۋبليكاسىنىڭ زاڭدارىنا تٷزەتۋلەر ەنگٸزٸلەدٸ.
زاڭ جوباسىنىڭ نەگٸزگٸ مٸندەتٸ جوعارىدا اتالعان زاڭنامالىق اكتٸلەرگە ناقتى تٷزەتۋلەر ەنگٸزۋ بولىپ وتىر:
- قىلمىستىق-پروتسەستٸك كودەكستە شىعارىپ جٸبەرۋ رەتٸندەگٸ جازالاۋ تٷرٸ ناقتىلانادى, سونداي-اق قىلمىستىق-اتقارۋ كودەكسٸندە شەتەلدٸكتەر مەن ازاماتتىعى جوق ادامداردى قىلمىستىق ٸستەر بويىنشا ەلدەن تىسقارى مەجبٷرلەپ شىعارىپ جٸبەرۋ ٷشٸن جٷرٸپ-تۇرۋ ەركٸندٸگٸن الدىن الا شەكتەۋدٸ قولدانۋدىڭ ناقتى قۇقىقتىق نەگٸزدەرٸ مەن تەتٸكتەرٸ بەرٸلەدٸ;
- «شەتەلدٸكتەردٸڭ قۇقىقتىق جاعدايى تۋرالى» قر زاڭىنا قىلمىستىق, ەكٸمشٸلٸك ٸستەر جەنە ەرەكشە جٷرگٸزٸلەتٸن ٸستەر بويىنشا سوت اكتٸلەرٸن مەجبٷرلەپ ورىنداۋ ٷشٸن شىعارىپ جٸبەرۋدەن جالتاراتىن ادامداردى ۇستاۋدىڭ (سوتتىڭ سانكتسيياسىمەن 30 تەۋلٸككە دەيٸنگٸ مەرزٸمگە) قۇقىقتىق تەتٸكتەرٸ مەن مەرزٸمدەرٸن جەتٸلدٸرۋدٸ كٶزدەيتٸن تٷزەتۋ ەنگٸزٸلەدٸ;
- «قۇقىق بۇزۋشىلىق پروفيلاكتيكاسى تۋرالى» قر زاڭى جاڭا نورمامەن تولىقتىرىلادى, وعان سەيكەس مەجبٷرلەپ شىعارىپ جٸبەرۋگە جاتاتىن جەنە ودان جالتاراتىن شەتەلدٸكتەر مەن ازاماتتىعى جوق ادامدارعا قاتىستى قامتاماسىز ەتۋ شاراسى رەتٸندە سوتتىڭ سانكتسيياسىمەن جٷرٸپ-تۇرۋ ەركٸندٸگٸن الدىن الا شەكتەۋ قولدانىلادى;
- «ادامداردى قوعامنان ۋاقىتشا وقشاۋلاۋدى قامتاماسىز ەتەتٸن ارناۋلى مەكەمەلەردە ۇستاۋ تەرتٸبٸ مەن شارتتارى تۋرالى» قر زاڭىندا جٷرٸپ-تۇرۋ ەركٸندٸگٸن الدىن الا شەكتەۋ ۇعىمى بەرٸلەدٸ, سونداي-اق شىعارىپ جٸبەرٸلەتٸن ادامداردى مەرزٸمٸ وتىز تەۋلٸككە دەيٸن ارناۋلى قابىلداۋ ورىندارىنا ورنالاستىرۋ ٷشٸن قۇقىقتىق نەگٸزدەمە كٶزدەلگەن. مۇنداي شەكتٸ مەرزٸم «حالىقتىڭ كٶشٸ-قونى تۋرالى» قازاقستان رەسپۋبليكاسىنىڭ زاڭىندا دا بەلگٸلەنگەن.
تۇتاستاي العاندا زاڭ جوباسىن قابىلداۋ ادامنىڭ قۇقىقتارى مەن بوستاندىقتارىنىڭ, قوعام مەن مەملەكەت مٷددەلەرٸنٸڭ قوعامدىق قاۋٸپتٸ قولسۇعۋشىلىقتاردان قورعالۋىنىڭ ساپالىق جاڭا دەڭگەيٸن قامتاماسىز ەتۋگە مٷمكٸندٸك بەرەدٸ جەنە تەرٸس ەلەۋمەتتٸك-ەكونوميكالىق جەنە قۇقىقتىق سالدارلارعا الىپ كەلمەيدٸ.
