QR Parlamenti Senatynyń jalpy otyrysynda Respýblikalyq biýdjettiń atqarylýyn baqylaý jónindegi esep komitetiniń múshesi Aleksandr Goriainovtyń ókilettigi toqtatyldy, dep habarlaidy Ult.kz tilshisi QazAqparat agenttigine silteme jasap.
«Aleksandr Viktorovich QR Parlamenti Senatynyń taǵaiyndaýymen Respýblikalyq biýdjettiń atqarylýyn baqylaý jónindegi esep komitetiniń múshesi qyzmetin atqaryp keledi. Esep komitetiniń tóraǵasy komitet múshesi Aleksandr Goriainovtyń ókilettigin óziniń ótinishi boiynsha merziminen buryn toqtatý týraly usynys engizdi. Senat biýrosynyń sheshimine sáikes, Qarjy jáne biýdjet komiteti bul máseleni aldyn ala talqylap, qorytyndy ázirledi», - dedi Senat tóraǵasy Qasym-Jomart Toqaev.
Talqylaýdan keiin senatorlar A. Goriainovtyń ókilettigi toqtatý týraly sheshimdi qabyldady.
Onyń ornyna Esep komitetiniń músheligine jańa kandidatýra usynyldy.
«Konstitýtsiialyq normalarǵa sáikes, Esep komiteti múshesiniń qyzmetine Rashit Sairanuly Ahmetovtiń kandidatýrasyn usyndym. Kandidatýra Qarjy jáne biýdjet komitetiniń otyrysynda talqylandy», - dedi Q. Toqaev jalpy otyrys barysynda.
Talqylaý nátijesi boiynsha senatorlar usynylǵan kandidatýrany qoldady.
