Parlament Senatynyń jalpy otyrysynda «Qazaqstan Respýblikasynyń keibir zańnamalyq aktilerine erekshe qorǵalatyn tabiǵi aýmaqtar máseleleri boiynsha ózgerister men tolyqtyrýlar engizý týraly» Zańy qabyldandy, dep habarlaidy "Ult aqparat".
«Qaralyp otyrǵan Zań jobasynyń negizgi maqsaty - týrizm obektilerin, erekshe mańyzy bar qurylystardy salý jáne olardyń jumys isteýi úshin buryn shyǵarylǵan, maqsaty boiynsha paidalanbaǵan jerlerdi erekshe qorǵalatyn tabiǵi aýmaqtar quramyna qaitarý rásimin ońailatý. Zań jobasymen Jer kodeksine jáne «Erekshe qorǵalatyn tabiǵi aýmaqtar týraly» Zańyna ózgerister men tolyqtyrýlar engizilip otyr», - dedi senator Ábdáli Nuraliev.
Zań jobasy 10 qyrkúiekte Senat otyrysynda birinshi oqylymda maquldandy.
«15 qyrkúiekte Komitettiń keńeitilgen otyrysy ótkizildi. Zań jobasy boiynsha Senattyń turaqty komitetteri men depýtattarynan usynystar kelip túsken joq», - dep naqtylady depýtat.
Qaralyp otyrǵan zań jobasyń qabyldaý arqyly atalǵan máselelerdi sheshýmen qatar: erekshe ekologiialyq, ǵylymi, tarihi-mádeni qundylyǵy bar ári keri qaitarylatyn jer ýchaskelerinde ornalasqan tabiǵi keshenderdi jáne tabiǵi-qoryq obektilerin saqtaý, ekologiialyq týrizmdi damytý men tabiǵat qorǵaý mekemeleriniń óz qarajatyn ulǵaitý múmkindikteri bolady kútilýde.
