Parlament senatynyń jalpy otyrysynda «2014 jylǵy 29 mamyrdaǵy Eýraziialyq ekonomikalyq odaq týraly shartqa ózgerister engizý týraly hattamany ratifikatsiialaý týraly» Zańy qabyldandy, dep habarlaidy "Ult aqparat".
Atalǵan hattamaǵa 2019 jylǵy 1 qazanda Erevan qalasynda memleket basshylary qol qoiǵan bolatyn. Hattamamen Eýraziialyq ekonomikalyq odaq týraly sharttyń №5 jáne №8 qosymshalaryna ózgerister engizildi.
«Shart 2015 jylǵy 1 qańtardan bastap kúshine endi, al Eýraziialyq ekonomikalyq odaqtyń Keden kodeksi eki jyldan keiin, iaǵni 2017 jyly qabyldandy. Keden kodeksiniń normalaryna sáikes avanstyq tólemder institýtyn engizý kózdelgen. Osyǵan bailanysty Shartqa tiisti túzetýler engizý qajettiligi týyndap otyr. Aldaǵy tólenetin kedendik tólemder men salyqtar, ósimpuldar men paiyzdar esebine engizilgen aqsha avanstyq tólem dep tanylady. Qazirgi ýaqytta kedendik tazartý kezinde birneshe kedendik tólemder men salyqtardyń túri bar», - dedi QR Qarjy ministri Erulan Jamaýbaev.
Onyń aitýynsha, osy Hattamany ratifikatsiialaý syrtqy ekonomikalyq qyzmetke qatysýshylarǵa ýaqytyn únemdep, shyǵyndaryn qysqartýǵa múmkindik beredi.
Atap aitqanda:
- birinshiden, kedendik deklaratsiialaý úshin kedendik alymdy, kedendik bajdy, qosylǵan qun salyǵyn, aktsizdi, arnaiy, dempingke qarsy jáne ótemaqy bajyn tóleý úshin birneshe tólem tapsyrmalaryn paidalaný qajettiligine bailanysty shyǵyndardy barynsha azaitýǵa múmkindik beredi;
- ekinshiden, qolda bar avanstyq tólemderdi kedendik bajdardy tóleý jónindegi mindetterdi oryndaýǵa paidalanýǵa bolady;
- úshinshiden, syrtqy ekonomikalyq qyzmetke qatysýshylar osy tólemderdi paida bolǵan bereshekti óteýge jumsai alady;
- tórtinshiden, biýdjettik synyptama kodynyń árbir túri boiynsha aqsha qarajatynyń qaldyqtaryn jeke-jeke qadaǵalaý qajettiligi joiylady.
«Keden organy avanstyq tólemderdi engizgen tulǵanyń ótinishi boiynsha oǵan avanstyq tólemder retinde engizilgen aqsha qarajatynyń jumsalýy týraly esep beredi. Atalǵan Hattamany ratifikatsiialaý bizdiń elimiz úshin áleýmettik-ekonomikalyq jáne quqyqtyq saldarǵa ákep soqtyrmaidy jáne respýblikalyq biýdjetten qarajat bólýdi talap etpeidi», - dedi ministr.
