Ortalyq sailaý komissiiasy 2023 jyldyń 14 qańtarynda ótetin parlamenttik sailaýda kandidattarǵa qoiylatyn talaptardy jariialady, - dep habarlaidy Tengrinews.kz.
"Depýtattyqqa kandidattarǵa qoiylatyn talaptar. Parlament depýtaty bolýy múmkin tulǵalar:
- Qazaqstan Respýblikasynyń azamaty jáne elde keiingi 10 jylda turaqty turǵan;
- 30 jastan asqan;
- joǵary bilimi bar;
- jumys ótili 5 jyldan kem emes;
- tiisti óńir aýmaǵynda 3 jyldan kem emes turaqty turǵan", - dedi OSK múshesi Konstantin Petrov komissiia otyrysynda.
Onyń aitýynsha, kandidattyń belsendi sailaý quqyǵy bolýy kerek. Sot áreketke qabiletsiz dep tanyǵan, sondai-aq sot úkimi boiynsha bas bostandyǵynan aiyrý oryndarynda júrgen azamattardyń sailaýǵa jáne sailanýǵa quqyǵy joq.
"Zańda belgilengen tártippen ótelmegen jáne alynbaǵan sottylyǵy bar adam, sondai-aq sybailas jemqorlyq nemese quqyq buzýdaǵy kinásin sot moiyndaǵan adam Parlament depýtattyǵyna kandidat bola almaidy", - dep qosty Petrov.
