Qazaqstan Respýblikasy Parlamenti Senaty depýtattarynyń sailaýy 12 tamyzda ótetin boldy. "Ult aqparat" Prezident qaýlysynyń tolyq mátinin jariialaidy.
Qazaqstan Respýblikasy Parlamenti Senaty depýtattarynyń sailaýyn 2020 jylǵy 12 tamyzǵa taǵaiyndaý týraly
Qazaqstan Respýblikasy Konstitýtsiiasynyń 44-babynyń 2) tarmaqshasyna, «Qazaqstan Respýblikasyndaǵy sailaý týraly» 1995 jylǵy 28 qyrkúiektegi Qazaqstan Respýblikasy Konstitýtsiialyq zańynyń 69 babyna sáikes Qazaqstan Respýblikasy Parlamenti Senatynyń depýtattary ókilettikteriniń konstitýtsiialyq merziminiń 2020 jylǵy qazan aiynda aiaqtalatynyna bailanysty QAÝLY ETEMIN:
1. Qazaqstan Respýblikasy Parlamenti Senaty depýtattarynyń sailaýy 2020 jylǵy 12 tamyzǵa taǵaiyndalsyn.
2. Qazaqstan Respýblikasynyń Úkimeti, Nur-Sultan, Almaty jáne Shymkent qalalarynyń, oblystardyń ákimderi Qazaqstan Respýblikasy Parlamenti Senaty depýtattarynyń sailaýyn uiymdastyrýshylyq, materialdyq-tehnikalyq jáne qarjylyq qamtamasyz etý jóninde sharalar qabyldasyn.
3. Osy Jarlyq jariialanǵan kúninen bastap qoldanysqa engiziledi.
Qazaqstan Respýblikasynyń Prezidenti Q.Toqaev
