Foto: aa.com.tr
14 qańtarda ótken sailaýdyń qorytyndysy boiynsha Senat depýtattarynyń quramy 80%-ǵa jańartyldy.
Bul týraly Ortalyq sailaý komissiiasynyń daýys berý nátijelerin anyqtaý jáne jariialaý máseleleri jónindegi otyrysynda OSK tóraǵasynyń orynbasary Konstantin Petrov málim etti, - dep habarlaidy Sputnik Qazaqstan.
"Sailanǵan 20 depýtattyń 3-i áiel, 17-si er adam. Ortasha jas – 53,8. Senattaǵy depýtattyq korpýstyń quramy 80 paiyzǵa jańartyldy", - dedi Petrov.
Ortalyq sailaý komissiiasynyń tóraǵasy Nurlan Ábdirov sailaýshylar belsendilik tanytyp, básekelestik joǵary deńgeide bolǵanyn atap ótti.
"Básekelestik joǵary deńgeide boldy. Bir orynǵa altydan astam úmitker talasty. Barlyǵy 130 kandidat bolsa, onyń 55-i senattaǵy orynǵa úmitker boldy. Olardyń kópshiligi ózin-ózi usyndy. Respýblika boiynsha sailaýshylar tiziminde 3 167 máslihat depýtaty bolsa, onyń 2 904-i daýys berdi", - dep atap ótti Ábdirov.
2023 jyldyń 14 qańtarynda Qazaqstanda Senatqa sailaý ótti. Elimizdiń barlyq oblysynda, sondai-aq Astana, Almaty, Shymkent qalalarynda 20 jańa depýtat sailandy.
