Ortalyq sailaý komissiiasy Parlament Senaty depýtattaryn sailaýdyń qalai jáne qashan ótetinin aitty, - dep habarlaidy Tengrinews.kz.
Kandidattardy usyný 29 qarashada bastalyp, 14 jeltoqsanda jergilikti ýaqyt boiynsha saǵat 18:00-de aiaqtalady. Naýqan 16 kúnge sozylady.
Úmitkerlerdi tirkeý 26 kúnge – 29 qarasha men 24 jeltoqsan saǵat 18:00-ge deiin jalǵasady.
Sailaý naýqanyn ótkizýge 19 kún belgilendi – 24 jeltoqsan men 13 qańtar saǵat 00:00-ge deiin.
13 qańtar - tynyshtyq kúni. 14 qańtar daýys berý kúni. 20 qańtarǵa deiin OSK sailaý nátijelerin jariialaidy.
"Senat depýtattyǵyna kandidattar usyný eki jolmen júzege asyrylady:
1. Oblystyq, respýblikalyq mańyzy bar qalalardyń jáne astananyń, aýdandyq máslihattardyń sessiialarynda. Olar boiynsha saiasi partiialar jáne ózge de qoǵamdyq birlestikter máslihattardyń ókilderi arqyly Parlament Senatynyń depýtattyǵyna kandidatýralar usynady. Bul rette birneshe máslihattan bir kandidat usynylýy múmkin;
2. Ózin-ózi usyný tártibimen.
Kandidatty oblystyń barlyq máslihaty, Respýblikalyq mańyzy bar qalanyń nemese Astananyń máslihatynan ókildik etetin sailaýshylardyń jalpy sanynyń keminde 10 paiyzy, biraq bir máslihat sailaýyshlarynyń 25 paiyzynan aspaityn daýysy qoldaýǵa tiis. Sailaýshylardy qoldaý qol jinaýmen kýálandyrylady, árbir sailaýshy Senat depýtattyǵyna bir ǵana kandidatty qoldap, qol qoiýǵa quqyly", - dedi OSK múshesi Konstantin Petrov otyrysta.
Kandidat tirkelgennen keiin qoiylǵan qol sot sheshimi negizinde ǵana qaitaryp alynady. Sailaýshylar tizimderine oblystyń, respýblikalyq mańyzy bar qalanyń nemese astananyń aýmaǵynda ornalasqan máslihattardyń barlyq depýtaty engiziledi.
