Senatorlar 2014 jylǵy 29 mamyrdaǵy EEO týraly shartqa ózgerister engizý, jekelegen halyqaralyq sharttardyń qoldanysyn ózgertý jáne toqtatý týraly hattamany ratifikatsiialaý týraly zań jobasyn maquldady, dep habarlaidy "Ult aqparat".
Zań jobasy buǵan deiin Parlament Májilisinde maquldanǵan bolatyn.
«Hattama 2019 jyly 1 qazanda Erevanda jasaldy. Hattamada kedendik ákelý bajdarynyń somalaryn bólýdiń jańa normativterin bekitý kózdeledi. Normativterdiń mólsheri múshe bes memleket úshin aiqyndalǵan. Bul rette Qazaqstan úshin normativ 6,955% bolyp tabylady. Atalǵan normativter Eýraziialyq ekonomikalyq odaqqa múshe memleketter arasynda kedendik ákelý bajdaryn bólýge mólsherles tásildi qamtamasyz etýge arnalǵan», - dedi zań jobasyn senatorlarǵa tanystyrǵan Ulttyq ekonomika ministri Rýslan Dálenov.
Sondai-aq, Hattamada múshe memleketterdiń joǵary memlekettik qarjylyq baqylaý organdary birlesken baqylaý is-sharalary sheńberinde múshe memleketterdiń ýákiletti organdarynyń osy Hattamanyń erejelerin saqtaýyn jyl saiyn tekseretini aiqyndalǵan.
««Halyqaralyq sharttar týraly» zańǵa sáikes osy Hattama ratifikatsiialaýǵa jatady. Zań jobasyn qabyldaý áleýmettik-ekonomikalyq jáne quqyqtyq teris saldarǵa ákep soqtyrmaidy», - dedi ol.
Zań jobasy birshama talqylanyp, depýtattardyń bergen daýysynan keiin qujat qabyldandy.
