Parlament Senatynyń jalpy otyrysynda «2014 jylǵy 29 mamyrdaǵy Eýraziialyq ekonomikalyq odaq týraly shartqa ózgeris engizý týraly hattamany ratifikatsiialaý týraly» Zańy qabyldandy, dep habarlaidy QazAqparat.
«2015 jylǵy 6 jeltoqsanda Armeniiada konstitýtsiialyq referendým ótip, nátijesinde prezidenttik basqarý túri parlamenttik basqarýǵa ózgergeni belgili. Qabyldanǵan ózgeristerge sáikes, 2018 jyly sáýir aiynan bastap Armeniianyń Premer-Ministri eldiń joǵary laýazymdy tulǵasy boldy», - dep eske saldy QR Syrtqy ister ministri Beibit Atamqulov.
Atap aitqanda, Armeniia Premer-Ministri ókilettikterine syrtqy saiasat máseleleri de jatady, sonymen qatar ol memlekettiń qaýipsizdik keńesin basqarady. Qarýly kúshter Úkimetke baǵynady. Armeniia Prezidentinde qazir shektelgen ókildik qyzmetteri bar. Bul elde aiaqtalǵan saiasi reformany eskere otyryp, Joǵary Eýraziialyq ekonomikalyq keńestiń quramyna múshe memleketterdiń basshylarymen qatar, úkimet basshynyń kirýin retteý maqsatynda atalǵan hattamany Eýraziialyq ekonomikalyq komissiia múshe memlekettermen birlesip ázirledi.
«Osy zań jobasyn qabyldaý teris áleýmettik-ekonomikalyq, quqyqtyq saldarǵa ákep soqtyrmaidy», - dedi ministr.
