Foto: t.me/KZgovernment
Pavlodar oblysynyń ákimi Asaiyn Baihanov qala ákimi orynbasarynyń jemqorlyq kúdigimen ustalýy týraly pikir bildirdi, dep habarlaidy QazAqparat agenttigi.
«Bul másele týraly sizderge belgili málimetti ǵana bilemin. Al baǵany tergeý oryndary men sot berý kerek. Sondyqtan tergeýdiń aiaqtalǵanyn kútý kerek dep qana aita alam», - dedi ol BAQ ókiliniń saýalyna bergen jaýabynda.
Sondai-aq, ol atalǵan sheneýniktiń buǵan deiin de qol astynda istegenin eske saldy.
«Óz atymnan men Pavlodar qalasynyń ákimi bolyp turǵanda Qaliaqparov Turǵyn úi-kommýnaldyq sharýashylyq bóliminiń basshysy bolǵanyn ǵana aita alam. Ol kezde moinyna artylǵan tapsyrmalardy adal, jaýapkershilikpen oryndaityn. Oǵan ne bolǵanyn aita almaimyn. Qazaqta «Semizdikti qoi ǵana kóteredi» degen sóz bar. Dálme-dál orysshalaý qiyn. Biraq maǵynasy bailyqtyń býyn árkim kótere bermeidi degenge keledi. Keide adamdar ózgeredi. Men memlekettik qyzmet, jalpy joǵary laýazym degen úlken jaýapkershilik júkteidi dep esepteimin. Iaǵni, árdaiym synaqtyń astyndasyń. Al kez kelgen synaqtyń sońynda ne jazaǵa, ne marapatqa jolyǵasyń», - dedi Asaiyn Baihanov.
