فوتو: t.me/KZgovernment
پاۆلودار وبلىسىنىڭ ەكٸمٸ اسايىن بايحانوۆ قالا ەكٸمٸ ورىنباسارىنىڭ جەمقورلىق كٷدٸگٸمەن ۇستالۋى تۋرالى پٸكٸر بٸلدٸردٸ, دەپ حابارلايدى قازاقپارات اگەنتتٸگٸ.
«بۇل مەسەلە تۋرالى سٸزدەرگە بەلگٸلٸ مەلٸمەتتٸ عانا بٸلەمٸن. ال باعانى تەرگەۋ ورىندارى مەن سوت بەرۋ كەرەك. سوندىقتان تەرگەۋدٸڭ اياقتالعانىن كٷتۋ كەرەك دەپ قانا ايتا الام», - دەدٸ ول باق ٶكٸلٸنٸڭ ساۋالىنا بەرگەن جاۋابىندا.
سونداي-اق, ول اتالعان شەنەۋنٸكتٸڭ بۇعان دەيٸن دە قول استىندا ٸستەگەنٸن ەسكە سالدى.
«ٶز اتىمنان مەن پاۆلودار قالاسىنىڭ ەكٸمٸ بولىپ تۇرعاندا قالياقپاروۆ تۇرعىن ٷي-كوممۋنالدىق شارۋاشىلىق بٶلٸمٸنٸڭ باسشىسى بولعانىن عانا ايتا الام. ول كەزدە موينىنا ارتىلعان تاپسىرمالاردى ادال, جاۋاپكەرشٸلٸكپەن ورىندايتىن. وعان نە بولعانىن ايتا المايمىن. قازاقتا «سەمٸزدٸكتٸ قوي عانا كٶتەرەدٸ» دەگەن سٶز بار. دەلمە-دەل ورىسشالاۋ قيىن. بٸراق ماعىناسى بايلىقتىڭ بۋىن ەركٸم كٶتەرە بەرمەيدٸ دەگەنگە كەلەدٸ. كەيدە ادامدار ٶزگەرەدٸ. مەن مەملەكەتتٸك قىزمەت, جالپى جوعارى لاۋازىم دەگەن ٷلكەن جاۋاپكەرشٸلٸك جٷكتەيدٸ دەپ ەسەپتەيمٸن. ياعني, ەردايىم سىناقتىڭ استىنداسىڭ. ال كەز كەلگەن سىناقتىڭ سوڭىندا نە جازاعا, نە ماراپاتقا جولىعاسىڭ», - دەدٸ اسايىن بايحانوۆ.
