Semeilik 16 jasar shahmatshy Arystan Isanjolov Búkilreseilik shahmat jarysynda rapid kezeńi boiynsha altyn medal aldy, dep habarlaidy Qazaqstan shahmat federatsiiasynyń baspasóz qyzmeti.
Qazaqstan atynan synǵa túsken jalǵyz úmitker Arystan Isanjolov týrnirdiń eń jas qatysýshysy bola otyryp, 122 shahmatshynyń ishinde úzdik atanǵan. Jarysqa qatysýshylar arasynda tájiribeli grossmeisterler de bolǵan.
«Týrnir bastan-aiaq tartysty ótti. Óte myqty qarsylastar kezdesti. Jarys barysynda 41 orynnan 1-orynǵa shyqtym», – deidi Arystannyń ózi.
11 týrdan keiin 2124 reiting upaiyn jinaǵan Arystan Isanjolov sońǵy kezeńde 2618 reitingtik upaiy bar Semen Hanindi jeńgen.
«Ol sondai-aq, grossmeister Aleksei Pridorojnyidy jeńip, 37 jastaǵy favorit, 2683 reitingtik upaiy bar Dmitrii Kokarevpen teń tústi. Árine, Arystan – talantty shahmatshy. Bóten jerde mundai jeńiske jetýin sensatsiia dep ataýǵa bolady», - deidi Qazaqstannyń balalar men jasóspirimder quramasynyń bas bapkeri Ánýar Ismaǵambetov.
Týrnirdiń «kúmisi» penzalyq Dmitrii Kokarevke buiyrsa, Qorǵan qalasynan kelgen Andrei Drygalov jarystyń qola júldegeri atanǵan.
