سەمەيلٸك 16 جاسار شاحماتشى ارىستان يسانجولوۆ بٷكٸلرەسەيلٸك شاحمات جارىسىندا راپيد كەزەڭٸ بويىنشا التىن مەدال الدى, دەپ حابارلايدى قازاقستان شاحمات فەدەراتسيياسىنىڭ باسپاسٶز قىزمەتٸ.
قازاقستان اتىنان سىنعا تٷسكەن جالعىز ٷمٸتكەر ارىستان يسانجولوۆ تۋرنيردٸڭ ەڭ جاس قاتىسۋشىسى بولا وتىرىپ, 122 شاحماتشىنىڭ ٸشٸندە ٷزدٸك اتانعان. جارىسقا قاتىسۋشىلار اراسىندا تەجٸريبەلٸ گروسسمەيستەرلەر دە بولعان.
«تۋرنير باستان-اياق تارتىستى ٶتتٸ. ٶتە مىقتى قارسىلاستار كەزدەستٸ. جارىس بارىسىندا 41 ورىننان 1-ورىنعا شىقتىم», – دەيدٸ ارىستاننىڭ ٶزٸ.
11 تۋردان كەيٸن 2124 رەيتينگ ۇپايىن جيناعان ارىستان يسانجولوۆ سوڭعى كەزەڭدە 2618 رەيتينگتٸك ۇپايى بار سەمەن حانيندٸ جەڭگەن.
«ول سونداي-اق, گروسسمەيستەر الەكسەي پريدوروجنىيدى جەڭٸپ, 37 جاستاعى فاۆوريت, 2683 رەيتينگتٸك ۇپايى بار دميتريي كوكارەۆپەن تەڭ تٷستٸ. ەرينە, ارىستان – تالانتتى شاحماتشى. بٶتەن جەردە مۇنداي جەڭٸسكە جەتۋٸن سەنساتسييا دەپ اتاۋعا بولادى», - دەيدٸ قازاقستاننىڭ بالالار مەن جاسٶسپٸرٸمدەر قۇراماسىنىڭ باس باپكەرٸ ەنۋار يسماعامبەتوۆ.
تۋرنيردٸڭ «كٷمٸسٸ» پەنزالىق دميتريي كوكارەۆكە بۇيىرسا, قورعان قالاسىنان كەلگەن اندرەي درىگالوۆ جارىستىڭ قولا جٷلدەگەرٸ اتانعان.
