Qazaqstan Respýblikasy Táýelsizdiginiń 25 jyldyǵyna orai «Qýatty óńir – qýatty Qazaqstan» atty aktsiiasy aiasynda 8-9 qazan kúnderi Astana qalasynda Shyǵys Qazaqstan oblysy kúneri ótedi. Osyǵan orai búgin OKQ-de Shyǵys Qazaqtan oblysy ákimdiginiń baspasóz máslihaty ótti, dep habarlaidy BAQ.kz tilshisi.
Baspasóz máslihaty barysynda jýrnalister saýalyna jaýap bergen óńir basshysynyń orynbasary Jaqsylyq Omar Semei qalasynyń infraqurylymyna toqtaldy.
«Oblys mártebesinen aiyrylǵyn jalǵyz qala Semei emes. Torǵai, Jezqazǵan qalalary da oblystyq deńgeiden túsken. Biraq «oblys mártebesinen aiyrylǵan» degen sózge kelgende aldymen tilge oralatyny osy Semei qalasy. Onyń sebebi de joq emes. Semeide ult rýhaniiatynyń qaimaqtary, qazaqtyń áigili tulǵalary kóp shyqqan óńir. Onyń syrtynda Semei – Alashordanyń astanasy bolǵan qala. Jáne soǵan orai jastary da patriot» - degen Jaqsylyq Omar qazirgi tańda atqarylyp jatqan naqty isterge toqtaldy.
«Taǵy bir airyqsha aitatyn másele, ózge Semeimen taǵdyrlas qalalarǵa qaraǵanda Semeidiń jaǵdaiy anǵurlym jaqsy. Elbasynyń ózi bul qalaǵa airyqsha kóńil bólip otyr. Osy Semeige bola Prezidentimiz «Semeidi damytýdyń komplekstik baǵdarlamasyn» qabyldady osydan 12 jyl buryn. Sonyń nátijesinde Semeige quiylatyn qarjynyń kólemi artty» - deidi ákimniń orynbasary.
Onyń aitýyna qaraǵanda biylǵy jylytý maýsymy boiynsha Semeiden másele týyndamaýy kerek. Sonymen qatar, Jaqsylyq Omar Semeidegi jol máselesine toqtaldy.
«Jol máselesi bir ǵana Semeide emes, Óskemende de jetkilikti. Tipti bul másele elimizdiń barlyq óńirinde bar. Degenmen biz barlyq jerde sondai eken dep qarap otyrǵan joqpyz. Qarjymyzdyń múmkindigine qarai biyl Semeide 200 shaqyrymǵa jýyq joldy jóndeýden ótkizdik. Aldaǵy jyly odan da kóbeitýdi kózdep otyrmyz» - deidi Jaqsylyq Muqashuly.
Sonymen qatar, ákimniń orynbasary byltyrdan beri Semei qalasynyń ózinen túsken salyǵyn óz igiligine jumsaýdy qolǵa alǵandyǵyn aitady. Onyń syrtynda memlekettik trenspert arqyly oblystyq biýdjetten bólinetin qarjy taǵy bar. Biyl jazdyń ózinde qalany abattandyrýǵa 280 mln teńge bólingen.
