سەمەيگە جاسالىپ جاتقان يگٸلٸكتٸڭ بٸردە-بٸرٸ باسقا ەشبٸر قالاعا جاسالعان جوق - جاقسىلىق ومار

باسپاسٶز مەسليحاتى بارىسىندا جۋرناليستەر ساۋالىنا جاۋاپ بەرگەن ٶڭٸر باسشىسىنىڭ ورىنباسارى جاقسىلىق ومار سەمەي قالاسىنىڭ ينفراقۇرىلىمىنا توقتالدى.

«وبلىس مەرتەبەسٸنەن ايىرىلعىن جالعىز قالا سەمەي ەمەس. تورعاي, جەزقازعان قالالارى دا وبلىستىق دەڭگەيدەن تٷسكەن. بٸراق «وبلىس مەرتەبەسٸنەن ايىرىلعان» دەگەن سٶزگە كەلگەندە الدىمەن تٸلگە ورالاتىنى وسى سەمەي قالاسى. ونىڭ سەبەبٸ دە جوق ەمەس. سەمەيدە ۇلت رۋحانيياتىنىڭ قايماقتارى, قازاقتىڭ ەيگٸلٸ تۇلعالارى كٶپ شىققان ٶڭٸر. ونىڭ سىرتىندا سەمەي – الاشوردانىڭ استاناسى بولعان قالا. جەنە سوعان وراي جاستارى دا پاتريوت» - دەگەن جاقسىلىق ومار قازٸرگٸ تاڭدا اتقارىلىپ جاتقان ناقتى ٸستەرگە توقتالدى.

«تاعى بٸر ايرىقشا ايتاتىن مەسەلە, ٶزگە سەمەيمەن تاعدىرلاس قالالارعا قاراعاندا سەمەيدٸڭ جاعدايى انعۇرلىم جاقسى. ەلباسىنىڭ ٶزٸ بۇل قالاعا ايرىقشا كٶڭٸل بٶلٸپ وتىر. وسى سەمەيگە بولا پرەزيدەنتٸمٸز «سەمەيدٸ دامىتۋدىڭ كومپلەكستٸك باعدارلاماسىن» قابىلدادى وسىدان 12 جىل بۇرىن. سونىڭ نەتيجەسٸندە سەمەيگە قۇيىلاتىن قارجىنىڭ كٶلەمٸ ارتتى» - دەيدٸ ەكٸمنٸڭ ورىنباسارى.

ونىڭ ايتۋىنا قاراعاندا بيىلعى جىلىتۋ ماۋسىمى بويىنشا سەمەيدەن مەسەلە تۋىنداماۋى كەرەك. سونىمەن قاتار, جاقسىلىق ومار سەمەيدەگٸ جول مەسەلەسٸنە توقتالدى.

«جول مەسەلەسٸ بٸر عانا سەمەيدە ەمەس, ٶسكەمەندە دە جەتكٸلٸكتٸ. تٸپتٸ بۇل مەسەلە ەلٸمٸزدٸڭ بارلىق ٶڭٸرٸندە بار. دەگەنمەن بٸز بارلىق جەردە سونداي ەكەن دەپ قاراپ وتىرعان جوقپىز. قارجىمىزدىڭ مٷمكٸندٸگٸنە قاراي بيىل سەمەيدە 200 شاقىرىمعا جۋىق جولدى جٶندەۋدەن ٶتكٸزدٸك. الداعى جىلى ودان دا كٶبەيتۋدٸ كٶزدەپ وتىرمىز» - دەيدٸ جاقسىلىق مۇقاشۇلى.

سونىمەن قاتار, ەكٸمنٸڭ ورىنباسارى بىلتىردان بەرٸ سەمەي قالاسىنىڭ ٶزٸنەن تٷسكەن سالىعىن ٶز يگٸلٸگٸنە جۇمساۋدى قولعا العاندىعىن ايتادى. ونىڭ سىرتىندا مەملەكەتتٸك ترەنسپەرت ارقىلى وبلىستىق بيۋدجەتتەن بٶلٸنەتٸن قارجى تاعى بار. بيىل جازدىڭ ٶزٸندە قالانى اباتتاندىرۋعا 280 ملن تەڭگە بٶلٸنگەن.