foto: inform.kz
Qutqarýshylar men áskeri qyzmetshiler Semei qalasynyń 1-jylý elektr ortalyǵyndaǵy qazandyqqa kómirdi qolmen salyp jatyr, dep habarlaidy QazAqparat Tótenshe jaǵdailar ministrligine silteme jasap.
«15 jeltoqsanda saǵat 00:34-te Abai oblysynyń Semei qalasyndaǵy 1-JEO-da uzyndyǵy 6 metr alańda transporter lentasy men elektr kabelderi janǵan bolatyn. Saǵat 1.36-da órt tolyǵymen sóndirildi. Órt saldarynan qatty otyn – kómir berý júiesiniń jumysy toqtatyldy.
Saǵat 10-nan bastap Tótenshe jaǵdailar jáne qorǵanys ministrlikteri áskeri bólimderiniń áskeri qyzmetshileri úzdiksiz rejimde qazandyq agregattaryna qatty otyndy qolmen salý jumystaryn bastady», - delingen vedomstvo habarlamasynda.
