Semei qalasynyń Jetim balalar men ata-anasynyń qamqorlyǵynsyz qalǵan balalarǵa arnalǵan mektep-internatynda bala qaitys boldy. Bul týraly Shyǵys Qazaqstan oblysy ákimdiginiń Instagram-daǵy resmi paraqshasynda jazyldy, dep habarlaidy "Ult aqparat".
«Oblystyq bilim basqarmasynyń aqparaty boiynsha, 17 tamyzda Semei qalasynyń «Jetim balalar men ata-anasynyń qamqorlyǵynsyz qalǵan balalarǵa arnalǵan mektep-internat» KMM tárbielenýshisi qaitys boldy. Óliminiń aldyn ala kórsetilgen sebebi – bas miynyń isinýi.⠀
Aimaq basshysy Danial Ahmetovtiń tapsyrmasy boiynsha máseleni egjei-tegjeili tekserý úshin arnaiy komissiia quryldy. Ony ShQO ákiminiń orynbasary Álisher Marhabat basqarady. Jumys tobynyń quramyna qadaǵalaý jáne quqyq qorǵaý organdary, densaýlyq saqtaý basqarmasy, TKQSQBD, sondai-aq qoǵam ókilderi kirdi.⠀
Ár balanyń ólimi - qaiǵyly jaǵdai. Sondyqtan ár jaǵdaidy tolyqqandy zerdelep, zertteý qajet. Aita ketý kerek, atalǵan másele oblys ákiminiń jeke baqylaýynda», - delingen taratylǵan aqparatta.
