Semeidiń Abaidyń «Jidebai-Bórili» memlekettik qoryq-mýzeiine Qytai-Qazaqstan-Resei baǵyty boiynsha uiymdastyrylǵan ekspeditsiia músheleri keldi, dep habarlaidy QazAqparat.
Kezdesý barysynda ekspeditsiia músheleri mýzeige Qytaida Abaidy alǵash zerttegen aýdarmashy Hýan Jannyń arnaiy uly aqyn shańyraǵyna jibergen eńbekterin syiǵa tartty. Olardyń qatarynda Abaidyń tolyq jinaǵy, tańdamaly óleńder jinaǵy, Abaidyń qarasózderi, «Abai joly» romanynyń eki tomy bar.
90 jastaǵy aýdarmashy Abaidyń shyǵarmalaryn qytai tiline aýdaryp qana qoimai, zerttep júrgen azamat. Mýzei qoryna tabystalǵan 8 kitaptyń ishinde qariianyń jańadan shyqqan zertteý eńbekteri bar.
Abaidyń memlekettik qoryq-mýzeiiniń direktory Bolat Júnisbekov bar ómirin Abaiǵa arnaǵan ǵalymǵa alǵysyn bildirip, Abai - Pýshkin shyǵarmalarynyń jinaǵyn syiǵa tartty.
Aita keteiik, atalmysh ekspeditsiia músheleri alǵash ret Abai shańyraǵyna 2016 jyly kelgen.
«Abaidyń «Jidebai-Bórili» memlekettik qoryq-mýzeiine Ertis boiyndaǵy qalalar men eldi mekenderdiń salt-dástúr, turmys-saltyn zertteý maqsatynda Qytai-Qazaqstan-Resei baǵyty boiynsha uiymdastyrylǵan ekspeditsiia 2016 jyly kelip qaitqan edi. Mýzei ekspozitsiiasyn tamashalap, ózara pikir alysylǵan. Bul joly aýdarmashynyń Abai týraly zertteýleri men qytai tiline aýdarylǵan Abai shyǵarmalaryn syiǵa tartty. Jalpy áńgimemiz Abaidyń shyǵarmashylyǵy tóńireginde órbidi»,-dedi mýzei direktory Bolat Júnisbekov.
