سەمەيدٸڭ ابايدىڭ «جيدەباي-بٶرٸلٸ» مەملەكەتتٸك قورىق-مۋزەيٸنە قىتاي-قازاقستان-رەسەي باعىتى بويىنشا ۇيىمداستىرىلعان ەكسپەديتسييا مٷشەلەرٸ كەلدٸ, دەپ حابارلايدى قازاقپارات.
كەزدەسۋ بارىسىندا ەكسپەديتسييا مٷشەلەرٸ مۋزەيگە قىتايدا ابايدى العاش زەرتتەگەن اۋدارماشى حۋان جاننىڭ ارنايى ۇلى اقىن شاڭىراعىنا جٸبەرگەن ەڭبەكتەرٸن سىيعا تارتتى. ولاردىڭ قاتارىندا ابايدىڭ تولىق جيناعى, تاڭدامالى ٶلەڭدەر جيناعى, ابايدىڭ قاراسٶزدەرٸ, «اباي جولى» رومانىنىڭ ەكٸ تومى بار.
90 جاستاعى اۋدارماشى ابايدىڭ شىعارمالارىن قىتاي تٸلٸنە اۋدارىپ قانا قويماي, زەرتتەپ جٷرگەن ازامات. مۋزەي قورىنا تابىستالعان 8 كٸتاپتىڭ ٸشٸندە قارييانىڭ جاڭادان شىققان زەرتتەۋ ەڭبەكتەرٸ بار.
ابايدىڭ مەملەكەتتٸك قورىق-مۋزەيٸنٸڭ ديرەكتورى بولات جٷنٸسبەكوۆ بار ٶمٸرٸن ابايعا ارناعان عالىمعا العىسىن بٸلدٸرٸپ, اباي - پۋشكين شىعارمالارىنىڭ جيناعىن سىيعا تارتتى.
ايتا كەتەيٸك, اتالمىش ەكسپەديتسييا مٷشەلەرٸ العاش رەت اباي شاڭىراعىنا 2016 جىلى كەلگەن.
«ابايدىڭ «جيدەباي-بٶرٸلٸ» مەملەكەتتٸك قورىق-مۋزەيٸنە ەرتٸس بويىنداعى قالالار مەن ەلدٸ مەكەندەردٸڭ سالت-دەستٷر, تۇرمىس-سالتىن زەرتتەۋ ماقساتىندا قىتاي-قازاقستان-رەسەي باعىتى بويىنشا ۇيىمداستىرىلعان ەكسپەديتسييا 2016 جىلى كەلٸپ قايتقان ەدٸ. مۋزەي ەكسپوزيتسيياسىن تاماشالاپ, ٶزارا پٸكٸر الىسىلعان. بۇل جولى اۋدارماشىنىڭ اباي تۋرالى زەرتتەۋلەرٸ مەن قىتاي تٸلٸنە اۋدارىلعان اباي شىعارمالارىن سىيعا تارتتى. جالپى ەڭگٸمەمٸز ابايدىڭ شىعارماشىلىعى تٶڭٸرەگٸندە ٶربٸدٸ»,-دەدٸ مۋزەي ديرەكتورى بولات جٷنٸسبەكوۆ.
