Semei kóshelerinde emin-erkin júrgen sileýsin videoǵa túsip qaldy, dep habarlaidy Altaynews.kz basylymy.
Orman janýaryn "Komposelok" shaǵyn aýdanynyń turǵyny baiqapty. Ol óz úiiniń aýlasynda júrgen ańdy videoǵa túsirip alǵan eken.
Basylymnyń habarlaýynsha, sońǵy kezderi jabaiy ańdar Shyǵys Qazaqstanda qala kóshelerinde jii kezdesedi.
Jaqynda Óskemen qalasynda elik kólik astyna túsken bolatyn. Volonterler ony veterinarlyq klinikaǵa jetkizgen. Janýarǵa ota jasalǵan, qazir ol turaqty aýyr halde jatyr.
Sileýsin – mysyq tuqymdas jyrtqysh ań. Onyń denesiniń uzyndyǵy – 130 santimetrge deiin, al salmaǵy 13 kilogramǵa deiin jetedi.
