Abai oblysynyń Semei qalasynda jasóspirimder arasynda ótkizilgen jarystardyń júldesi týraly áleýmettik jelide beinesiýjet jariialandy, dep habarlaidy "Ult aqparat" Alash.KZ saityna silteme jasap.
Atalmysh videoda palýandardy marapattaý sáti kórsetiledi.
Qyzyq bolǵanda, minberge kóterilgen chempiondarǵa berilgen júlde qory adamnyń aqylyna syimaidy. Naqtyraq aitqanda, 3-orynǵa - 2 myń teńge, 2-orynǵa - 3 myń teńge, Al 1-orynǵa bergen júldeniń kólemi nebári 5 myń teńge.
Jarys týraly jelidegi oqyrmandar ártúrli pikir jazyp jatyr. Mysaly, bir oqyrman bul jarystyń qory 500 myń teńge depti. Sonda qalǵan aqsha qaida jumsalǵany túsiniksiz.
Al taǵy bir oqyrman "Adamdy osynshama qorlaýǵa bola ma? Osy úsh bala bir gazel júk túsirse, budan kóp tabar edi ǵoi" dep jazypty.
Kelesi oqyrman "10 teńgem bar edi, men de bir jarys ótkizip jibersem bolady eken ǵoi. Mynalarda uiat bar ma?" dep jazypty. Oqyrmandardyń kóbi 10 myń teńgelik júlde tigilgen atalmysh jarysty "Jastardyń saǵyn syndyrý, Qazaqstandaǵy sporttaǵy jemqorlyq ashyq kórinisi" dep baǵalapty.
