Tumaýratyp aýrýhanaǵa jetkizilgen OAR turǵynynan koronavirýs rastalǵan joq, dep habarlaidy "Ult aqparat".
«Jedel járdem arqyly infektsiialyq statsionarǵa jetkizilgen OAR azamatynyń test nátijeleri alyndy. COVID 2019 virýsyna tapsyrylǵan test teris nátije kórsetkenin habarlaimyz», - dedi oblystyq ákimdikte.
Ákimdik qazirgi ýaqytta Shyǵys Qazaqstan oblysynda koronavirýs joq ekenin atap ótti.
Eske sala keteiik, keshe Semeide 71 jastaǵy Ońtústik Afrika Respýblikasynyń azamaty dene qyzýy kóterilip, tumaýratyp aýrýhanaǵa jetkizilgen bolatyn. Ol ShQO-ǵa tehnikalyq jinalysqa Dýbai jáne Nur-Sultan arqyly tranzitpen kelgen.
Áreket etý algoritmine sáikes, jedel járdem stansasynyń qyzmetkerleri patsientti qorǵanysh kostiýmderi arqyly infektsiialyq statsionarǵa jatqyzǵan.
