Semei qalasynda qańtar oqiǵasynda jappai tártipsizdikke qatysqan 3 adam sottaldy, dep habarlaidy QazAqparat.
Qańtar oqiǵasynda jappai tártipsizdikke qatysqan 3 adamǵa sot úkimi shyqty.
Olar QR Qylmystyq Kodeksiniń 272-baby 2-bóligi (jappai tártipsizdikke qatysý), 380-baby 1-bóligi (bilik ókiline qatysty kúsh qoldaný) boiynsha qylmys jasaǵan.
Semei qalasynyń №2 soty kúdiktiler men Shyǵys Qazaqstan oblysynyń prokýratýrasy arasynda jasalǵan protsestik kelisimge sáikes, er adamdardyń istegen isine tolyq ókingenin jáne kelgen zalaldy ótegenin eskerip, olardy 4 jyl merzimge bas bostandyǵynan aiyrdy.
Úkim áli zańdy kúshine engen joq.
«Sottalǵandardyń kinási qylmys jasalǵan jerdegi beinejazbalarmen, kýágerlerdiń sózimen jáne alynǵan zattai aiǵaqtarmen dáleldenedi. Qalǵan qylmystyq ister óndiriste jáne aiaqtalý satysynda. Aiǵaq-dálel jinaý boiynsha tiisti sharalar júrgizilip jatyr», - dep habarlady ShQO prokýratýrasynyń baspasóz qyzmeti.
