Semeide dombyrashy robottyń avtorlary «Jyl tańdaýy – 2019» baiqaýynda «Jas ǵalym» nominatsiiasyn jeńip aldy, dep habarlaidy "Ult aqparat" Nazarbaev Ziiatkerlik mektebiniń baspasóz qyzmetine silteme jasap.
Marapattaý rásimi «Jyl tańdaýy – 2019» jastar forýmy aiasynda ótti. Fizika-matematika baǵytyndaǵy Nazarbaev Ziiatkerlik mektebiniń 10-synyp oqýshysy Nurbol Maqtaev pen Miras Muratqanov Semei ákimi Ermaq Sálimovtiń qolynan «Memlekettik jastar saiasatyn iske asyrýǵa qosqan úlesi úshin» syilyǵyn aldy.
«Ustazymyz Baqytbek Orynbaevtyń basshylyǵymen jasalǵan jobamyzdyń jeńis ákelgeni úshin qýanyshtymyz. Biz búgin jumysymyz eleýsiz qalmaitynyn sezdik. Osy sharanyń uiymdastyrýshylaryna jáne osy forýmǵa qatysýǵa keńes bergen jobanyń jetekshisine alǵys aitamyz», - dedi mektep oqýshylary.
Qala ákimi balalardy jeńisimen quttyqtap, tabys tiledi.
Eske salaiyq, Miras pen Nurbolǵa dombyranyń qulaǵynda erkin oinaityn robotty qurastyrý úshin bir ai ýaqyt berilgen.
