Semei qalasynda búlikshilerdiń politseilerge shabýyl jasaǵan sátiniń videosy jariialandy, dep habarlaidy QazAqparat.
ShQO Politsiia departamenti Semeide jappai tártipsizdikterge qatysýshylardyń zańsyz áreketteri kórsetilgen video jariialady.
«Bul videotoptama 5 qańtardaǵy beinebaqylaý júielerindegi jáne áleýmettik jelilerdegi materialdardan jasaldy. Onda júzdegen agressivti adamnyń tártipsizdikteri, tonaý jáne basqa da zańsyz áreketterdiń jolyn kesýge jumyldyrylǵan politsiia qyzmetkerleri men áskeri qyzmetshilerge birneshe ret shabýyl jasap, uryp-soqqany kórsetilgen. Saqshylar qaladaǵy quqyqtyq tártipti qorǵap, zańsyzdyqqa qarsy áreket etti», - dep habarlady departamenttiń baspasóz qyzmetinen.
Terroristik shabýyldardyń jolyn kesý jáne memlekettik organdardyń ákimshilik ǵimarattaryna jasalǵan qarýly shabýyldarǵa toitarys berý kezinde 128 politsei men Ulttyq ulannyń 19 áskeri qyzmetshisi jaraqat alǵan.
