Foto:instagram.com/b2band
Semeide "Bi-2" tobynyń kontserti ótetin boldy. Bul týraly qalalyq ákimdiktiń baspasóz qyzmeti Telegram-arnasynda málimdedi, - dep habarlaidy "Ult aqparat".
Aita keteiik, osyǵan deiin qala jurtshylyǵy men oblystyq máslihat depýtattary 14 adamnyń ómirin qiǵan órtke bailanysty reseilik toptyń kontsertin keiinge qaldyrý týraly bastama kótergen bolatyn.
"Jerlesterimizdiń qaiǵyly qazasy men jalpyulttyq aza tutýdan keiin rok-kontsert ótkizý kóptegen turǵyndardyń narazylyǵyn týdyrdy.
Nátijesinde qala jurtshylyǵy men oblystyq máslihat depýtattary reseilik toptyń kontsertin keiingi qaldyrý jáne sol arqyly jaqyndarynan – anasynan, ákeleri men uldarynan aiyrylǵan otbasylardyń qaiǵysyna ortaqtasyp, ony bólisý týraly bastama kóterdi", – dedi ákimdiktiń baspasóz qyzmeti.
Alaida Semei ákimdigi bul sheshimniń qoǵamda narazylyq týdyrǵanyn, osyǵan bailanysty Borodýliha aýdanynyń jergilikti atqarýshy organynyń ókilderi qaza bolǵandardyń otbasymen bailanysqa shyǵyp, kontserttiń olardyń kóńiline qaiaý túsirmeitinine kóz jetkizgenin atap ótti.
"Osylaisha, qaitys bolǵan ormanshylardyń týystarynyń kelisimi boiynsha jáne olardyń kontsert ótkizýge kelisimin alǵannan keiin ártisterdiń ózderiniń aitýynsha, qaiyrymdylyq sipatta bolatyn "Abai Arena" sport keshenindegi is-sharany toqtatpaý týraly sheshim qabyldandy.
Aita keteiik, "Bi-2" tobynyń kontsertin keiinge qaldyrý týraly sheshim Semei ákimdiginiń sheshimi bolǵan joq. Sondai-aq kontsertti uiymdastyrýshy "LEVIT - KATANA" jeke kompaniiasy bolyp tabylady, – dep naqtylady qala ákimdigi.
