Semeidiń eki kóshesine qazaq ádebieti men mýzyka óneriniń damýyna ólsheýsiz úles qosqan birtýar tulalardyń esimi berildi, dep habarlaidy "Ult aqparat".
2018 jyly respýblikalyq onomastikalyq komissiia otyrysynda qaladaǵy Stroitelnaia kóshesin ánshi-kompozitor Tursynǵazy Rahimovtyń jáne Krýpskaia kóshesin Qazaqstannyń halyq jazýshysy, soǵys ardageri Ázilhan Nurshaiyqovtyń esimine aýystyrý týraly sheshim qabyldanǵan-tyn.
Búgin qos kósheniń saltanatty ashylýy ótti.
«Búgin qalamyzda halyq jazýshysy Ázilhan Nurshaiyqov kóshesi paida boldy. Ázaǵa óziniń eńbekterimen birneshe býyndy tárbieledi. Eń tanymal shyǵarmalarynyń biri «Mahabbat qyzyq mol jyldar» romany halqymyzdyń asyl qasietterin nasihattap, jastarǵa jarasymdy ómir úlgisin usyndy. Búgingi shara batyr babamyzdy ulyqtaýdyń jarqyn kórinisi. Osy igi bastamany qoldap, kóshe ataýyn berýge muryndyq bolǵan janashyr jerlesterge zor rizashylyq bildiremin», - dedi qala əkimi Ermak Səlimov.
Jalpy qalada 1042 kóshe bar. Sonyń tek 382-si ǵana memlekettik tilde. Respýblikalyq onomastikalyq komissiianyń sheshimimen buǵan deiin Lenin kóshesi - Máńgilik El, Polkovnichii araly - Beibitshilik araly, Internatsionalnyi kóshesi - Qaiym Muhamedhanov, Dalniaia - Zakariia Belibaev kóshesi bolyp ózgergen bolatyn.
Aita keteiik 2018 jyly respýblikalyq onomastikalyq komissiia 7 kósheni qazaqtyń aqyn-jazýshylarynyń esimine aýystyrý týraly usynysty qoldady.
Aldaǵy ýaqytta qalǵan bes kóshe atap aitqanda Komsomolskaia kóshesi - Jibek joly, Kýtýzov kóshesi - Ardagerler kóshesi, Kolhoznaia kóshesi - Berel, Sotsialisticheskaia - Samal, Dekabristov - Nursaia kóshesi bolady.
