Foto: Aqorda
Memleket basshysy Abai oblysynyń ákimi Berik Ýálidi qabyldady, dep habarlaidy Ult.kz.
Prezidentke óńirdiń áleýmettik-ekonomikalyq jaǵdaiy týraly esep berilip, aldaǵy kezeńge arnalǵan damý jospary tanystyryldy.
Oblys ákimi jergilikti biýdjettiń shyǵys jáne kiris bóligine jan-jaqty taldaý júrgizilgenin jetkizdi. Sonyń nátijesinde qarjylandyrýdyń basym baǵyttary anyqtaldy. Al únemdelgen qarajat ózekti máselelerdi sheshýge jumsalady.
Oblys ákiminiń baiandamasynan:
- - jergilikti biýdjettiń shyǵys jáne kiris bóligine jan-jaqty taldaý júrgizilgen. Únemdelgen qarajat ózekti máselelerdi sheshýge jumsalady;
- - 2028 jylǵa deiin jalpy quny 2,2 trillion teńge bolatyn jáne 8 myńnan astam jumys ornyn ashýǵa múmkindik beretin 24 investitsiialyq jobanyń tizimi jasaqtalǵan;
- - «Jaily mektep» ulttyq jobasy aiasynda 5 nysannyń jáne oqýshylar saraiynyń qurylysy qolǵa alynǵan;
- - aspaly kópirdi rekonstrýktsiialaýdyń jobalyq-smetalyq qujattamasy ázirlenip, Ertis ózeni arqyly ótetin taǵy bir kópir salynyp jatyr;
- - Semei qalasynda ainalma jol salý máselesi pysyqtalýda.
Memleket basshysy oblys ákimine Úkimetpen birge óńirdi qarqyndy damytý joldaryn qarastyryp, ózekti máselelerdi kezeń-kezeńimen sheshýdi tapsyrdy.
Qasym-Jomart Toqaev óńdeý ónerkásibin órkendetý, jańadan turaqty jumys oryndaryn ashý, oblys ortalyǵyn abattandyrý jáne infraqurylymdy damytý baǵytynda sharalar qabyldaý qajet ekenine toqtaldy.
