Foto ashyq derekkózden alyndy
Semeide júkti áiel perzenthananyń liftinde qamalyp qalyp, sonyń ishinde bosandy, dep habarlaidy Sputnik Qazaqstan saity abainewskz portalyna silteme jasap.
Oqiǵa 3 qyrkúiek tańǵy saǵat altyda oblystyq perinataldyq ortalyqta bolǵan
Tehnikalyq aqaýdan 5 júkti áiel liftide qamalyp qalǵan. Osy sátte olardyń biriniń tolǵaǵy qysady. Al janynda turǵan áiel batyl áreketke baryp, ony liftiniń ishinde bosandyryp alǵan.
Aiaǵy aýyr kelinshekke kómektesken Elmira Jetpisova sol mekemeniń akýsheri bolyp shyqty. Ol eńbek demalysynda júrgen, sol kúni júkti qyzynyń janynda bolý úshin perzenthanaǵa kelipti.
"Meniń anam batyrlyq tanytty. Bir saǵatqa toqtap qalǵan liftiniń ishinde bosandyrdy. Biz, bes júkti áiel, osy ýaqyt boiy ishinde boldyq", - deidi oqiǵany kózimen kórgen akýsherdiń qyzy.
Áiel ul balany dúniege ákelgen, esimin Matvei qoidy.
