Foto: Tura18.kz
Búgingi kúni Semei qalasynda alǵashqy ret qala ákimi tikelei sailaý arqyly tańdaldy. Qalanyń turǵyndary óz qala basshysyn daýys berý arqyly tańdady, dep habarlaidy Ult.kz.
Sailaý qorytyndysy boiynsha Ádilet Qojanbaev 77,1% daýys jinap, jeńiske jetti. Onyń qarsylastary Qanysh Tóleýov 10,8%, Aibolat Bekjasarov 8,4% daýys jinasa, 3,7% adam barlyǵyna qarsy daýys bergen.
Bul oqiǵa Semei qalasynyń saiasi ómirinde tarihi sát bolyp sanalady, sebebi buryn ákimder taǵaiyndaý jolymen bekitilgen edi, al qazir turǵyndardyń óz tańdaý quqyǵy júzege asyryldy.
Ádilet Nursaǵatuly Qojanbaev 1980 jyly 1 qańtarda Semei oblysy, Kókpekti aýdany, Biǵash aýlynda dúniege kelgen.
Qaztutynýodaǵynyń ań-terisi meh kolledjin «Ekonomika, býhgalterlik esep jáne taldaý" mamandyǵy boiynsha bitirgen.
Turan ýniversitetiniń «Býhgalterlik esep jáne taldaý», «quqyqtaný» mamandyqtary boiynsha bitirdi.
Máskeý qalasyndaǵy Resei Federatsiiasy Prezidentiniń janyndaǵy Resei halyq sharýashylyǵy jáne Memlekettik qyzmet akademiiasynda oqyp, «Iskerlik ákimshilendirý sheberi – Master of Business Administration (MBA)» biliktiligin aldy.
Eńbek jolyn 2000 jyldan bastap «Kramdsbank» AQ Semei filialynyń taratý komissiiasynda kredittik qyzmetker retinde bastady.
2001 -2013 jyldary - Almaty qalasyndaǵy «BTA Ipoteka» AQ-da protsessing jáne kepil monitoringi bóliminiń basshysy, kredittik basqarmanyń basshysy, atqarýshy direktory.
2013-2014 jyldary- «Temirbank» AQ Basqarma Tóraǵasynyń keńesshisi, Semei qalasyndaǵy Bank filialynyń direktory.
2014 -2021 jyldary - «Qazaqstannyń turǵyn úi qurylys jinaq banki» AQ-da operatsiialyq departament direktory,basqarýshy direktor, basqarma tóraǵasynyń orynbasary.
2021-2022 jyldary - «Qazaqtelekom» AQ Almaty qalasyndaǵy servistik fabrika – filialynyń bas direktory
2022 jyldan 2024 jyldyń 2 tamyzyna deiin - «Abai oblysynyń qarjy basqarmasy» memlekettik mekemesiniń basshysy.
2024 jyldan - Kókpekti aýdanynyń ákimi boldy.
