فوتو: Tura18.kz
بٷگٸنگٸ كٷنٸ سەمەي قالاسىندا العاشقى رەت قالا ەكٸمٸ تٸكەلەي سايلاۋ ارقىلى تاڭدالدى. قالانىڭ تۇرعىندارى ٶز قالا باسشىسىن داۋىس بەرۋ ارقىلى تاڭدادى, دەپ حابارلايدى Ult.kz.
سايلاۋ قورىتىندىسى بويىنشا ەدٸلەت قوجانباەۆ 77,1% داۋىس جيناپ, جەڭٸسكە جەتتٸ. ونىڭ قارسىلاستارى قانىش تٶلەۋوۆ 10,8%, ايبولات بەكجاساروۆ 8,4% داۋىس جيناسا, 3,7% ادام بارلىعىنا قارسى داۋىس بەرگەن.
بۇل وقيعا سەمەي قالاسىنىڭ ساياسي ٶمٸرٸندە تاريحي سەت بولىپ سانالادى, سەبەبٸ بۇرىن ەكٸمدەر تاعايىنداۋ جولىمەن بەكٸتٸلگەن ەدٸ, ال قازٸر تۇرعىنداردىڭ ٶز تاڭداۋ قۇقىعى جٷزەگە اسىرىلدى.
ەدٸلەت نۇرساعاتۇلى قوجانباەۆ 1980 جىلى 1 قاڭتاردا سەمەي وبلىسى, كٶكپەكتٸ اۋدانى, بيعاش اۋلىندا دٷنيەگە كەلگەن.
قازتۇتىنۋوداعىنىڭ اڭ-تەرٸسٸ مەح كوللەدجٸن «ەكونوميكا, بۋحگالتەرلٸك ەسەپ جەنە تالداۋ" ماماندىعى بويىنشا بٸتٸرگەن.
تۇران ۋنيۆەرسيتەتٸنٸڭ «بۋحگالتەرلٸك ەسەپ جەنە تالداۋ», «قۇقىقتانۋ» ماماندىقتارى بويىنشا بٸتٸردٸ.
مەسكەۋ قالاسىنداعى رەسەي فەدەراتسيياسى پرەزيدەنتٸنٸڭ جانىنداعى رەسەي حالىق شارۋاشىلىعى جەنە مەملەكەتتٸك قىزمەت اكادەميياسىندا وقىپ, «ٸسكەرلٸك ەكٸمشٸلەندٸرۋ شەبەرٸ – Master of Business Administration (MBA)» بٸلٸكتٸلٸگٸن الدى.
ەڭبەك جولىن 2000 جىلدان باستاپ «كرامدسبانك» اق سەمەي فيليالىنىڭ تاراتۋ كوميسسيياسىندا كرەديتتٸك قىزمەتكەر رەتٸندە باستادى.
2001 -2013 جىلدارى - الماتى قالاسىنداعى «بتا يپوتەكا» اق-دا پروتسەسسينگ جەنە كەپٸل مونيتورينگٸ بٶلٸمٸنٸڭ باسشىسى, كرەديتتٸك باسقارمانىڭ باسشىسى, اتقارۋشى ديرەكتورى.
2013-2014 جىلدارى- «تەمٸربانك» اق باسقارما تٶراعاسىنىڭ كەڭەسشٸسٸ, سەمەي قالاسىنداعى بانك فيليالىنىڭ ديرەكتورى.
2014 -2021 جىلدارى - «قازاقستاننىڭ تۇرعىن ٷي قۇرىلىس جيناق بانكٸ» اق-دا وپەراتسييالىق دەپارتامەنت ديرەكتورى,باسقارۋشى ديرەكتور, باسقارما تٶراعاسىنىڭ ورىنباسارى.
2021-2022 جىلدارى - «قازاقتەلەكوم» اق الماتى قالاسىنداعى سەرۆيستٸك فابريكا – فيليالىنىڭ باس ديرەكتورى
2022 جىلدان 2024 جىلدىڭ 2 تامىزىنا دەيٸن - «اباي وبلىسىنىڭ قارجى باسقارماسى» مەملەكەتتٸك مەكەمەسٸنٸڭ باسشىسى.
2024 جىلدان - كٶكپەكتٸ اۋدانىنىڭ ەكٸمٸ بولدى.
