Foto: QR MAM
Abaidyń «Jidebai-Bórili» memlekettik tarihi-mádeni jáne ádebi-memorialdyq mýzei-qoryǵynda «Áziret Cultan» Ulttyq tarihi-mádeni mýzei-qoryǵymen birlese uiymdastyrylǵan «Abai álemi jáne Iasaýi» kórmesiniń saltanatty ashylý rásimi ótti, dep habarlaidy Ult.kz.
Is-shara Abai Qunanbaiulynyń 180 jyldyq mereitoiy qarsańynda, aqyn murasyn nasihattaý maqsatynda uiymdastyryldy. Kórme «Ulaǵatty ólke – Abai, ulylar mekeni – Semei» atty aýqymdy aktsiia-chellendjimen tuspa-tus keldi. Sonymen qatar túrki áleminiń uly ustazy Qoja Ahmet Iasaýi murasy da kópshilik nazaryna usynyldy.
Kórme ekspozitsiiasyna Abai Qunanbaiulyna qatysty mýzei qoryndaǵy qoljazbalar, estelikter, mýzykalyq aspaptar, fotosýretter jáne ǵulama-danyshpan Qoja Ahmet Iasaýidiń ǵibratty ǵumyry men ómirsheń murasyn aishyqtaityn maily boiaýly sýretter, XIX ǵasyrlarǵa tán sirek qoljazbalar kópshilik nazaryna usynyldy. Kórmege qoiylǵan biregei jádigerdiń biri kóne túrki tiline aýdarylǵan H ǵasyrdyń qoljazba quran kitaby boldy.
Kórmeniń maqsaty – A.Qunanbaiulynyń 180 jyldyǵyna orai aqynnyń ómiri men shyǵarmashylyǵyn, mol murasyn nasihattaý jáne Qoja Ahmet Iasaýi eńbekterin mýzei-qoryq qoryndaǵy eksponattar arqyly tanytý. Kórme 2025 jylǵy 15 tamyzǵa deiin jalǵasady.
