Semei qalasynda jaiaý júrginshiler jolaǵynda kólik qaqqan eki bala aýrýhanaǵa jatqyzyldy, dep habarlaidy QazAqparat.
ShQO Politsiia departamenti baspasóz qyzmetiniń málimetine súiensek, jol-kólik oqiǵasy Shákárim dańǵylynda bolǵan.
«Toyota» markaly avtokólikti tizgindep kele jatqan 74 jastaǵy júrgizýshi rettelmegen jaiaý júrginshiler jolaǵynda kámeletke tolmaǵan eki balany qaǵyp ketti.
«Sonyń saldarynan jaraqat alǵan balalar aýrýhanaǵa jatqyzyldy. Qazirgi ýaqytta júrgizýshige qatysty sotqa deiingi tergeý amaldary bastalǵan. Tiisti sot-meditsinalyq saraptamalar taǵaiyndalyp, sonyń qorytyndysy boiynsha protsessýaldyq sheshim qabyldanady», - dep habarlady vedomstvo ókilderi.
