Semeide jańa jyl qarsańynda «Shyrsha» jedel aldyn alý sharasy ótip jatyr, dep habarlaidy QazAqparat qalalyq politsiia basqarmasynyń baspasóz qyzmetine silteme jasap.
Baspasóz qyzmetinde tabiǵatty qorǵaý politsiiasynyń qyzmetkerleri «Semei ormany» memlekettik orman tabiǵi rezervaty MM memlekettik inspektorlarymen birlesip orman qoryn kúzetý boiynsha reid júrgizetinin habarlady. Jedel aldyn alý sharasy barysynda aǵash pen aǵash materialdaryn tasymaldaityn kólikter tekseriledi. Qaladaǵy qylqan japyraqty aǵashtar satatyn saýda núktelerin anyqtaldy.
«Satýshylardyń aitýynsha, barlyq shyrshalar men qaraǵailar Reseiden ákelindi. Bazardaǵy bir qaraǵai men shyrshanyń eń tómengi baǵasy - 4000 teńge. Olar uzaq ýaqytqa shydamaidy, jyly bólmede olardyń ineleri tez buzyla bastaidy. Reid barysynda tiisti qujattary joq 38 qylqan japyraqty aǵash tárkilendi», - dep túsinikteme berdi Semei qalasynyń PB baspasóz qyzmetinde.
Sonymen qatar, politsiia kesilgen qaraǵai úshin jaza bar ekenin eskertti jáne bul qylmystyq jaýapkershilikke jatatynyn aitty.
«Ziiankesterge 120 AEK-ke deiin aiyppul salynady (303000 teńge) nemese 30 táýlikke deiin qamaýǵa alynady, eger joiylǵan jáne kesilgen aǵashtar orman qorynyń bóligi bolsa, onda aiyppul 160 AEK-ke deiin (404 000 teńge) bolady nemese 160 saǵatqa deiin qoǵamdyq jumystarǵa tartylady nemese 40 táýlikke deiin qamalady», - dep atap ótti PB baspasóz qyzmetinde.
Aita keteiik, «Shyrsha» jedel aldyn alý sharasy aimaqta 2019 jyldyń 31 jeltoqsanyna deiin jalǵasady.
