Semei qalasynda 17 mln teńge jymqyrǵan bank qyzmetkeri 7 jylǵa bas bostandyǵynan aiyryldy, dep habarlaidy "Ult aqparat".
Qalalyq №2 sotta bankterdiń biriniń burynǵy qyzmetkerine qatysty QR Qylmystyq Kodeksiniń 189-baby 4-bóliginiń 2-tarmaǵy (Qyzmettik laýazymyn paidalana otyryp asa iri kólemde aqsha jymqyrý) boiynsha qylmystyq is qaraldy.
«Sot barysynda anyqtalǵandai, aiyptalýshy ótken jyldyń tamyzy men qarasha ailary aralyǵynda bankomattardan jalpy somasy 17 095 000 teńgeni urlap, utys oiyndaryna jumsaǵan. Prokýror ony 8 jyl bas bostandyǵynan aiyrýdy surasa, jábirlenýshiniń ókili zańǵa sáikes jazalaýdy ótindi», - dep habarlady sottyń baspasóz qyzmeti.
Sot sheshimimen banktiń burynǵy qyzmetkeri qarjy salasynda jaýapty laýazymdardy atqarý quqyǵynan 10 jylǵa aiyrylyp, 7 jyl merzimge túrmege qamaldy. Úkim áli zańdy kúshine engen joq.
