سەمەي قالاسىندا 17 ملن تەڭگە جىمقىرعان بانك قىزمەتكەرٸ 7 جىلعا باس بوستاندىعىنان ايىرىلدى, دەپ حابارلايدى "ۇلت اقپارات".
قالالىق №2 سوتتا بانكتەردٸڭ بٸرٸنٸڭ بۇرىنعى قىزمەتكەرٸنە قاتىستى قر قىلمىستىق كودەكسٸنٸڭ 189-بابى 4-بٶلٸگٸنٸڭ 2-تارماعى (قىزمەتتٸك لاۋازىمىن پايدالانا وتىرىپ اسا ٸرٸ كٶلەمدە اقشا جىمقىرۋ) بويىنشا قىلمىستىق ٸس قارالدى.
«سوت بارىسىندا انىقتالعانداي, ايىپتالۋشى ٶتكەن جىلدىڭ تامىزى مەن قاراشا ايلارى ارالىعىندا بانكوماتتاردان جالپى سوماسى 17 095 000 تەڭگەنٸ ۇرلاپ, ۇتىس ويىندارىنا جۇمساعان. پروكۋرور ونى 8 جىل باس بوستاندىعىنان ايىرۋدى سۇراسا, جەبٸرلەنۋشٸنٸڭ ٶكٸلٸ زاڭعا سەيكەس جازالاۋدى ٶتٸندٸ», - دەپ حابارلادى سوتتىڭ باسپاسٶز قىزمەتٸ.
سوت شەشٸمٸمەن بانكتٸڭ بۇرىنعى قىزمەتكەرٸ قارجى سالاسىندا جاۋاپتى لاۋازىمداردى اتقارۋ قۇقىعىنان 10 جىلعا ايىرىلىپ, 7 جىل مەرزٸمگە تٷرمەگە قامالدى. ٷكٸم ەلٸ زاڭدى كٷشٸنە ەنگەن جوق.
