Qazaqstan Ulttyq Banki 3 mamyrdan bastap «Este qalatyn oqiǵalar men birtýar adamdar» monetalar seriiasynan SEMEI IADROLYQ POLIGONYNYŃ JABYLǴANYNA 30 JYL kollektsiialyq monetalarynyń satylymǵa shyǵatynyn habarlady.
Monetalar www.kazcoins.nationalbank.kz platformasynda QUB internet-dúkeni arqyly satylady.
SEMEI IADROLYQ POLIGONYNYŃ JABYLǴANYNA 30 JYL monetalarynyń sipattamasy:
30 jyl buryn Táýelsiz Qazaqstan tarihynda tarihi sheshim qabyldandy – 1991 jyly 29 tamyzda Semei iadrolyq poligony jabyldy.
SEMEI IADROLYQ POLIGONYNYŃ JABYLǴANYNA. 30 JYL monetalarynyń reversinde eki bólikten turatyn iadrolyq jarylys túrinde beineler kórinis tapqan.
Sol jaq bóligi iadrolyq synaqtardyń tarihyn, úzilgen ómir men shyrǵalań taǵdyrdy beineleitin jaryqshaqtar túrinde berilgen. Oń jaǵynan – zardap shekken tabiǵatty bildiretin qýraǵan aǵashtyń beinesin kórýge bolady. Qýrap qalǵan aǵash butaǵyndaǵy jasyl japyraqtyń beinesi – jandaný men qylań bergen úmittiń belgisi.
Monetalar 925/1000 synamada kúmisten emal jaǵý tehnologiiasymen daiyndalǵan. Massasy – 31,1 gramm, proof daiyndaý sapasy bar, nominaly 500 teńgelik, taralymy – 5000 dana jáne neizilber qospasynan massasy 11,17 gramm, uncirculated sapasymen, nominaly 100 teńgelik, taralymy – 100 000 dana.
