Semei qalasynyń politsiia qyzmetkerleri áiel adamǵa avtobýsta umytyp ketken 3 mln teńge salynǵan sómkesin qaitaryp berdi, dep habarlaidy "Ult aqparat".
Qalalyq Politsiia basqarmasy baspasóz qyzmetiniń málimetine súiensek, 10 qańtarda «102» arnasyna habarlasqan 38 jastaǵy qala turǵyny №35 avtobýsta iri kólemdegi aqsha salynǵan qara sómkesin umytyp ketkenin aitqan.
«Óz sózinde ol Vodnyi kentindegi aialdamadan túskenin, avtobýs qala baǵytyna ketip qalǵanyn jetkizdi. Kózine jas kelgen áiel avtobýstyń sońynan júgirgen. Habar túsken soń qoǵamdyq tártipti qadaǵalaityn barlyq politseiler avtobýsty izdeýge jumyldyryldy», - dep habarlady vedomstvo ókilderi.
Kóp uzamai avtobýstyń nómiri jáne qaida kele jatqany anyqtalǵan. Qoǵamdyq kólik «TsÝM» mańynda toqtatylǵan soń politseiler aqsha salynǵan sómkeni tapty. Sómke dereý jábirlenýshige qaitaryldy. Barlyq zattar men aqsha ornynda bolyp shyqty.
