Kórneki sýret: elements.envato.com
Semei turǵyny almatylyqtyń 80 myń dollaryn aldap alǵan. Bul týraly Almaty Politsiia departamenti bastyǵynyń tergeý jumysy jónindegi orynbasary Rýstam Ábdirahmanov aitty, - dep habarlaidy Tengrinews.kz agenttigi.
Quqyq qorǵaý organdarynyń málimetinshe, qaskúnem Almatyǵa Semeiden kelgen. Ol aqsha aiyrbas ornyn jalǵa alyp, valiýta aiyrbastaý týraly habarlandyrý jariialaǵan.
"Birinshi bolyp Almaty turǵyny quryǵyna túsken. Jeksenbide kezdesetini týraly kelisip, keiin qyz belgilengen orynǵa barlyq somany alyp kelgen. 80 myń dollardy oǵan bergen. Er adam aiyrbastaimyn degen syltaýmen basqa bólmege ketip, qosalqy esikten qashyp ketken", - dedi Ábdirahmanov.
