Semei qalasynda er adam 16-qabattan sekirip ketti, dep habarlaidy QazAqparat.
Keshe áleýmettik jelilerde Semei turǵynynyń 16-qabattan sekirip ketkendigi jaily aqparat taraǵan bolatyn. Er adam alǵan jaraqatynan oqiǵa ornynda kóz jumǵan.
Qalalyq politsiia basqarmasy baspasóz qyzmeti atalǵan fakti boiynsha tergeý amaldary júrgizilip jatqanyn málimdedi.
«Tártip saqshylary qazirgi ýaqytta QR Qylmystyq Kodeksiniń 105-baby 1-bóligine (ózin ózi óltirýge jetkizý) sáikes sotqa deiingi tergeý amaldaryn bastady. Is boiynsha tiisti sot-meditsinalyq saraptamalar taǵaiyndaldy», - delingen habarlamada.
Vedomstvo ókilderiniń dereginshe, Qylmystyq is júrgizý kodeksiniń 201-baby 1-bóligine sáikes tergeý málimetteri jariia etilmeidi.
